കഴിഞ്ഞ ഏതാനും വർഷങ്ങൾക്കിടെ കേരളത്തിലെ ഭക്ഷണ വിപണിയിൽ ശ്രദ്ധേയമായ മാറ്റങ്ങളാണ് സംഭവിച്ചുകൊണ്ടിരിക്കുന്നത്.
ഒരുകാലത്ത് നാട്ടിലെ ചെറിയ ഹോട്ടലുകളും ബേക്കറികളും മാത്രമായിരുന്ന ഈ മേഖല ഇന്ന് ശക്തമായ ബ്രാൻഡുകളുടെ മത്സരവേദിയായി മാറിയിരിക്കുകയാണ്. ബിരിയാണി മുതൽ ഷവർമ വരെയും, കഫേ മുതൽ ഐസ്ക്രീം വരെയും നിരവധി ഭക്ഷണ ബ്രാൻഡുകൾ സംസ്ഥാനത്തിന്റെ വിവിധ നഗരങ്ങളിൽ വേഗത്തിൽ വ്യാപിച്ചു കൊണ്ടിരിക്കുകയാണ്.ഇതിന് പിന്നിലെ പ്രധാന കാരണം ഭക്ഷണരീതികളിലെ മാറ്റവും പുതിയ തലമുറയുടെ ജീവിതശൈലിയും തന്നെയാണ്. ജോലി തിരക്ക് കൂടുന്നതും നഗര ജീവിതം വ്യാപകമാകുന്നതും കാരണം വീട്ടിൽ നിന്ന് പുറത്തുകഴിഞ്ഞുള്ള ഭക്ഷണം സാധാരണമായിത്തീർന്നു.
അതോടൊപ്പം സാമൂഹ്യമാധ്യമങ്ങളുടെ സ്വാധീനവും വലിയ പങ്കുവഹിക്കുന്നു. ഒരു പുതിയ ഭക്ഷണശാലയോ പ്രത്യേക വിഭവമോ സമൂഹമാധ്യമങ്ങളിൽ വൈറലാകുമ്പോൾ അതിലേക്ക് ആളുകളുടെ ഒഴുക്ക് സ്വാഭാവികമായി വർധിക്കുന്നു.ഇതോടെ ഭക്ഷണശാലകൾ വെറും ഭക്ഷണം നൽകുന്ന സ്ഥലങ്ങളായി മാത്രം നിൽക്കാതെ ഒരു ബ്രാൻഡ് അനുഭവമായി മാറുകയാണ്. ആകർഷകമായ ഇന്റീരിയർ, വ്യത്യസ്തമായ മെനു, മികച്ച സേവനം എന്നിവ ഉപയോഗിച്ച് ഉപഭോക്താക്കളെ പിടിച്ചു നിർത്താൻ സ്ഥാപനങ്ങൾ ശ്രമിക്കുന്നു. ചില ബ്രാൻഡുകൾ ഒരേയൊരു നഗരത്തിൽ നിന്ന് ആരംഭിച്ച് വളരെ കുറച്ച് കാലത്തിനുള്ളിൽ തന്നെ സംസ്ഥാനത്തിന്റെ പല ഭാഗങ്ങളിലേക്കും വ്യാപിച്ചു കഴിഞ്ഞു.പ്രവാസി നിക്ഷേപവും ഈ മേഖലയെ ശക്തമായി പിന്തുണയ്ക്കുന്നുണ്ട്. ഗൾഫ് രാജ്യങ്ങളിൽ ജോലി ചെയ്തവർ നാട്ടിലേക്ക് മടങ്ങിയെത്തുമ്പോൾ ആരംഭിക്കുന്ന പ്രധാന ബിസിനസുകളിൽ ഒന്നാണ് ഭക്ഷണശാലകൾ. കുറഞ്ഞ സമയത്തിനുള്ളിൽ തുടങ്ങാൻ കഴിയുന്നതും വിപണി സാധ്യത കൂടുതലുള്ളതുമാണ് ഈ മേഖലയെ കൂടുതൽ ആകർഷകമാക്കുന്നത്.ഭക്ഷണത്തിന്റെ ഈ ബിസിനസ് വളർച്ച കേരളത്തിന്റെ സമ്പദ്വ്യവസ്ഥയിലും നല്ല സ്വാധീനം ചെലുത്തുന്നു. ആയിരക്കണക്കിന് യുവാക്കൾക്ക് തൊഴിൽ അവസരങ്ങൾ സൃഷ്ടിക്കപ്പെടുന്നു. വിതരണ ശൃംഖല മുതൽ കാർഷിക ഉൽപ്പന്നങ്ങളിലേക്കും ഈ വളർച്ചയുടെ ഗുണഫലങ്ങൾ എത്തുന്നുണ്ട്.ഇന്നത്തെ സാഹചര്യത്തിൽ കേരളത്തിലെ ഭക്ഷണ വിപണി ഒരു പുതിയ ഘട്ടത്തിലേക്കാണ് കടക്കുന്നത്. പ്രാദേശിക രുചിയും ആധുനിക ബിസിനസ് മാതൃകയും ഒരുമിക്കുന്ന ഈ മേഖല അടുത്ത വർഷങ്ങളിൽ കൂടുതൽ ശക്തമായ ബ്രാൻഡുകളെ സൃഷ്ടിക്കാനുള്ള സാധ്യതയുള്ളതായാണ് കാണപ്പെടുന്നത്. ഭക്ഷണം ഒരു സംസ്കാരമാത്രമല്ല, വലിയൊരു ബിസിനസ് അവസരവുമാണെന്ന സത്യമാണ് ഈ മാറ്റങ്ങൾ തെളിയിക്കുന്നത്.
